Espiritualitatea 

“Ez iezazkidazu berriro burdin hesiak aipatu!”- esan zion behin batean Sofíak klausura monastikoa etsipenez oroitzen zuen Rosa Filipina lagunari. “Burdin hesien barruan geratu behar al dira gure proiektuak eta ekintzak?”.

Bere grina nagusia Aurkituriko Maitasuna besteei zabaltzea bihurtu zen. “Zenbat eta gehiago maitatu, orduan eta maitarazteko gogo handiagoa”, esaten zuen. Horregatik nahi zuen ikastetxeak “zabaldu”, leku gozo eta irekiak, non besteei Jesusen maitasunaren ezkutuko altxorra bilatzen eta aurkitzen lagundu ahal zitzaien.

Gaur egun, Sofíaren ametsa munduan zehar hedatuta dago. Bihotz Sakratuko erlijiosak hainbat une eta plataforma eskaintzen dugu adiskidetasunean eta elkarrekikotasunean jaso duguna dohainik konpartitzeko: espiritualtasun bat non Jesukristo gure bizitzen ardatza den eta besteei bere samurtasun eta errukiaren berri ona zabaltzera bultzatzen gaituen Espiritua.