A nosa pastoral 

“Celebramos agradecidas os logros cotiáns de moitos irmáns e irmás que se adiantaron na procura doutro mundo posible. Xunto con eles e elas, fortalecidas polo Espírito, queremos seguir buscando o rostro de Deus na nosa historia”

Capítulo Xeral 2008

Queremos buscar a Deus con outros/as e favorecer espazos nos que podamos responder as necesidades do noso mundo de hoxe: a sede de Deus, a fame de xustiza, o desexo de equidade e a procura de sentido e de pertenza, necesidades que tamén nós experimentamos.

Queremos compartir a nosa espiritualidade do corazón, convencidas de que ten moito que dicir ao mundo de hoxe e queremos facelo dunha forma especial cos mozos. Escoitamos unha forte invitación a camiñar con eles/as compartindo nosa sede e as nosas aspiracións, unindo os nosos esforzos para construír un mundo conforme ao Reino de Deus.

A nosa pastoral quere ser ante todo espazo e espazos onde nos atopemos co Deus da Vida e miremos ao mundo a través do Corazón traspasado de Xesús comprometéndonos para que todos teñan vida.